Gisiguro sa Chairman sa Florete Group of Companies ang padayong pagpanerbisyo sa Bombo Radyo Philippines sa pagsugod sa tuig 2020.
Sa iyang new year’s message, nagkanayon si Dr. Rogelio Florete nga sa natad sa pagbalita, magpadayon ang Bombo Radyo sa paghatag og “first, fast, and accurate” nga pagbalita pinaagi sa bag-ong teknolohiya.
“Being in the Business of News, the GAME of Broadcasting is INFINITE and as we begin a new year, we get stock of our energy levels, innovative ideas and new content to make sure that you are all continuously GLUED to Bombo Radyo Philippines,” sigon pa ni Florete.
Karong tuiga, magpadayon ang mahinungdanong pagserbisyo ug pagtabang sa tanang mga Pilipino pinaagi sa mga Corporate Social Responsibility (CSR) sa network.
Kini sama lang sa tinuig nga medical mission nga “Bombo Medico,” bloodletting activity nga “Dugong Bombo,” ug ang labing mabulukon nga “Bombo Music Festival.”
Dugang pa ni Dr. Florete nga palapadan pa ang pagbalita sa Bombo Radyo ug musika sa Star FM pinaagi sa 31 ka mga key stations sa Luzon, Visayas, ug Mindanao.
Pinaagi niini, dili lang mabatian ang mga balita sa radyo ug Bombo mobile application. Makita usab pinaagi sa Facebook live ang mga tingog nga nagpaluyo sa matag programa.
Makalaum usab ang mga tigpaminaw ug tigtan-aw sa Bombo Radyo Philippines nga mosunod kini sa bag-ong teknolohiya.
“Let me assure all our listeners and followers, that in the infinite game of Radio , now in various digital platforms, Bombo Radyo Philippines is at the forefront of any and all innovations,” dason pa sa Chairman.
