Nagpadayon pa sa ilahang imbestigasyon ang sakop sa kalupisan sa Dakbayan sa Mandaue human sa nahitabong pagkahulog sa usa ka 28-anyos nga lalaki sa ika-18 story sa usa ka condominium sa Banilad, Mandaue City, gahapong adlawa, 5:30 sa buntag, Hunyo 22, 2025.
Ang maong biktima nailhan nga si Aljer Brillo, ug anaa nagpuyo sa mao nga condominium building.
Atol sa pakighinabi sa Bombo Radyo Cebu team, kang PLTCOL Mercy Villaro, tigpamaba sa Mandaue City Police Office, iyahang gikabutyag nga akadawat ang kapulisan sa Station 4 ug taho mahintungod sa insidente sa pagkahulog sa usa ka lalaki sa usa ka condominium building sa Brgy. Banilad, Dakbayan sa Mandaue pasado alas 5:30 sa buntag, diin niagi ang biktima sa bintana sa iyhang unit, ug sa pagkakaron.
Dugang pa ni Villaro, gisusi karon ang anggulo sa pagkutlo sa kinabuhi sa maong biktima, nunot usab sa social media post sa biktima, apan wala pa giwala sa kapulisan ang posibilidad sa foul play sa mao nga panghitabo.
Subay sa panghitabo, nagpahimangno si Villaro sa publiko nga dili pasagdaan ang mga tawo nga adunay gihambin nga kalisdanan ug kaguol sa kinabuhi, pinaagi sa pagpaki-estorya ug pagtabang nga makalabang sa tagsa-tagsang problema. | via Bombo Irene Ardiente
