Gisugdan sa House prosecution panel ang pagpresentar sa kasong “grave threats” batok kang Bise Presidente Sara Duterte isip unang artikulo sa iyang impeachment trial sa Senado.
Kini nga akusasyon, nga nakalatid ubos sa Article IV sa Articles of Impeachment, nalatid gikan sa gihimong online ug live-broadcast nga press conference sa Bise Presidente niadtong Nobyembre 23, 2024.
Diha sa maong sibya, iyang gipahayag nga duna siyay gisuholan nga mamumuno aron patyon si Presidente Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez kon pananglit magmalampuson ang giingong laraw sa pagpatay usab kaniya.
Subay niini, gipasabot ni Atty. Rameses Victorious Gatchalian Villagonzalo, ICC Accredited Lawyer nga kung panglantawan, usa kini ka “grave threat coupled with condition,” gumikan kay pwede kining mahitabo.
Dugang pagpasabot niya, dili gikinahanglang pamatud-an nga adunay assassin nga mahitabo kay kung tibambanon, ang ni-engage niini mitalawin na, dili na possibleng padayon pa ang pag assassinate niini.
Busa alang sa iyanag kaugalingong panglantaw, dinala lamang kato sa extreme anger o grabeng kalagot nga nabati sa bise presidente niadtong tungura.
Samtang sa pagkuwestiyon ni Senadtor-judge Risa Hontiveros ang prosekusyon kabahin sa mga video nga gipresentar sa impeachment court, nangatarungan kini nga ang mga pahayag nga nakuha sa footage dili pamatuod nga si Bise Presidente Sara Duterte aktuwal nga nagkontrata og usa ka assassin aron patyon ang Presidente, ang First Lady, ug ang kanhi House Speaker.
Kabahin niini, nagkanayon si Atty. Villagonzalo nga makonsidera kining “innocent inquiry,” apan, mamahimo usab kadtong usa ka pangutana aron dugang pagpaduot sa gikihang personalidad.
Samtang sa gipaambit usab ni Atty. Villagonzalo ang iyahang personal assessment sa ikaduhang adlaw sa impeachment trial process.
Matod niya, ang mga objection nga nitumaw atol sa trial, sakto kini ilabi na gikan sa habig sa depensa, ug ni tukmang ni ‘fit’ kini sa ilahang job description.
Sa habig usab sa prosecution, nahan-ay man usab kini sa ilahang mga gipang presentar pero, ang pagtumaw sa rapid objections ‘daw’ alang kaniya, makaguba na sa tumada sa direct examiner.
