CEBU CITY- Malinawon ang pagsaulog sa Bag-ong Tuig sa 2025 sa Dakbayan sa Sugbo, kini ang paghulagway sa Cebu City Police Office usa ka adlaw human ang naasoy nga kasaulogan.
Kini gumikan ang Cebu City Police Office epektibo nga nagpasiugda sa kaluwasan ug pagsunod sa lokal nga komunidad.
Ingun man ang makanunayon ug aktibo nga operasyon sa kapulisan batok sa ilegal nga pagpamaligya og pabuto, ug ang usa ka komprehensibo nga information and education campaign.
Nakatabang ang halapad nga coordination meetings uban a pakigtambayayong sa local government unit sa dakbayan sa Sugbo ug nagkalain-laing law enforcement agencies, aron masiguro ang hapsay nga pagpatuman sa mga safety measures.
Sa pikas bahin, Gikan sa Disyembre 30, 2024, hangtod sa Enero 1, 2025, ang Cebu City Police Office nakakumpiska sa kinatibuk-an nga 793 ka lain-laing mga pabuto, nga adunay gibanabana nga kantidad nga ₱34,200.00.
Gikalipay usab nila nga niining peak celebration period, walay natala nga mga samad o kaswalti nga may kalabutan sa mga insidente sa pabuto, nga nagpasiugda sa ka-epektibo sa mga inisyatiba sa CCPO.
Dugang pagpauswag sa kaluwasan sa publiko, ang CCPO nagpakusog sa ilang relasyon sa komunidad pinaagi sa mga dayalogo ug pakiglambigit sa komunidad.
Kini nga mga inisyatibo naghatag gibug-aton sa kamahinungdanon sa pagsunod sa Republic Act 7183, nga nag-regulate sa paghimo, pagbaligya, ug paggamit sa mga pabuto ug uban pang mga pyrotechnic device, ug gipasiugda ang mga silot nga may kalabotan sa mga paglapas.
Ang hiniusang paningkamot sa Cebu City Police Office wala lamang nakatampo sa usa ka luwas ug makahuluganon nga pagsaulog sa Bag-ong Tuig apan nakapalambo usab sa mas dakong pagbati sa kahibalo ug responsibilidad sa komunidad
