Gihangop sa Malacañang ang pagpasalamat sa ICC sa Pilipinas nunot sa pagkasikop ug pagsurender ni kanhi Presidente Rodrigo Duterte sa ICC.
Kini ang reaksyon sa Palasyo sa pahayag nga gihimo sa tigpamaba sa International Criminal Court nga si Fadi El Abdallah.
Gipasalamatan ni Abdallah ang Pilipinas sa pagpakita sa iyang pasalig sa international accountability mechanism.
Tungod niini, masaligon ang Malacañang nga giila sa International Criminal Court ang legalidad sa proseso nga misangpot sa pagkasikop ni kanhi Presidente Duterte.
Dugang pa ni Castro nga ang pamahayag ni Fadi El Abdallah nagpamatuod nga ang kooperasyon sa Pilipinas sa Interpol ug ang pagpatuman sa Republic Act 9851 walay kalapasan sa bisan unsang balaod.
Busa walay basehanan ang mga pasangil nga ilegal ang pagdakop sa kanhi Presidente.
