Gitay-og og kusog nga 7.7 magnitude nga linog ang Panama, gahapong adlawa.
Diin ang sentro sa linog natala sa probinsya sa Herrera, duol sa Pitaloza Arriba sa habagatang bahin sa nasud, nga nagpahinabo og kaylap nga kadaot sa mga balay, kadalanan, ug mga importanteng imprastraktura.
Lakip sa mga pasilidad nga nahugno o nakaangkon og kadaot mao ang usa ka hotel, usa ka karaang simbahan, ug usa ka building sa gobyerno sa lungsod sa Penonomé, dugang pa, unom ka probinsya ang nakasinati og pagkawala sa kuryente.
Samtang, ang mga biyahe sa eroplano ug operasyon sa Tocumen International Airport temporaryong gipahunong isip lakang sa kaluwasan, ingon man ang operasyon sa Panama Canal, usa ka mahinungdanong ruta sa pamatigayon sa kalibutan nga nagpabiling luwas ug normal.
Sa pasiunang mga taho gikan sa mga awtoridad, walay natala nga mga namatay, bisan pa man nga adunay 15 ka mga estudyante ang nakaangkon og gagmay nga mga samad, nagpadayon pa ang pagsusi sa kinatibuk-ang kadaot sa mga komunidad.
