MINGLANILLA, CEBU-Nakaplagan sa mga estudyante nga padung mosulod sa ilahang tunghaan ang maong patay nga lawas sa usa ka lalaki ganihang alas 7 sa buntag, dapit sa may Man-Made Forest Barangay Campo 7, Minglanilla.
Ang maong patay nga lalaki gihulagway nga nagkarsonis og itom, nagt-shirt og itom, daghan og patik labi na sa liog diin nakabutang ang ngalan sa ”Aldeo” ug patikan sab ang duha ka bukton niini, adunay pamanit nga puti, ug nagheight og 5’4 ug apil nga may Blue color ball cap LA Lakers.
Gibutyag sa mga residente dili lumulupyo ang naasoy nga lalaki sa maong lugar apan familiar kini tungod nga kanunay magtambay sa waiting shed hilabina nakit-an pa kini sa maong lugar niaging adlaw.
Subay sa nakahinabi sa Bombo Radyo Cebu nga residente, Vising Secretaria giasoy niini nga ang mga estudyante nga nakakita gitataw nga mao ang lalaki nga magtabayan sa moang dapit.
Dugang pa nga na alarma ang mga tawu nga adunay tulo ka buto sa pusil ang ilahang nabati alas 12 ngadto sa ala 1 sa kadlawon.//
Pinaagi sa tattoo, ug paso sa kamot sa biktima gikomperma ni Grace Abadilla, nga mao kini ang iyahang pag-umangkon, nga si Adzyl Zabala 32-anyos taga Sambag 1, ang patay nga lawas.
Gisubay niini nga gikan siya sa balay sa biktima aron maklaro kung siya ba jud, apan sa iyahang pagsusi walay tawu.
Gitataw niini nga ang maong pag-umangkon walay nakaaway sa miaging duha ka tuig, apan mo suyop og shabu ug wala kini naka-atubang og kaso, ingon man nga apil kini nga misurrender sa tokhang.
Inay pa nga wala kini na sayud ngano na naabot ang naasoy sa mao nga lugar.
Sa pakighinabi niini sa amahan sa biktimia mibutyag kini nga uban ang biktima og ang silingan, apan sa dihang gisuknaan gihimakak kini sa maong silingan.
Subay sa maong imbestigasyon napalgan ang tulo ka kabhang sa pinusilan sa patay nga lawas ug mga bala sa pusil sa kalsada diin duol kini nakit-an.
Sa kasamtangan padayun ang imbestigasyon sa kapulisan aron masuta ang hinungdan sa kamatayon sa biktima.
