DANAO-Napalgan ang usa ka patayng lawas sa Purok 2, Barangay Tuburan Sur, dakbayan sa Danao niadtong Biyernes sa buntag, Septiyembre 13, 2024.
Kini human adunay usa ka tiguwang nga lalaki nga giilag si Lorenzo Enriquez, 70-anyos, nga nanugway sa iyang baka sa maong dapit og sa dayong paghigot niya sa pisi sa tinugway nga baka sa punoan, nasayran niya usa ka panapton ng gihigot og ang pikas tumoy niini nagbuy-od sa liog sa maong patayng lawas.
Daling gi-report sa kapulisan sa dakbayan ang maong nasayran nga patayng lawas nga giilang si Kent Cyril Lavador, 17-anyos, nga gikatahong pipila ka adlaw nang nawala sa ilang panimalay.
Residente sa Purok 6A, Barangay Poblacion sa samang dakbayan ang biktima nga nagputo ubos sa panimalay sa ginikanan niini.
Matod pa sa inahan sa biktima nga si Rosse Fe Durano, 34-anyos, pipila na ka adlaw nilang gipangita ang anak kay sukad pa Septiyembre 11 kini nilang ulahing nakit-an.
Dugang pa sa inahan nga wala ini damha ang nasinati sa anak tungod dili kini maghisgot kung aduna ba kiniy problema.
ato lsa imbestigasyon sa kapulisan sa dakbayan sa Danao, posibling pagkutlo sa kaugalingog kinabuhi ang gipanglantawang motibo sa maong kamatayon sa biktima apan wala nila giwala ang uban pang posibilidad.
Padayon gihapon ang imbestigayon sa mga kapulisanaron sa pagtumbok sa maong panghitabo.
