Paul Lee, dili makaduwa pila ka semana tungod sa calf injury

Dili makaduwa si Paul Lee sa PBA Governor’s Cup sulod sa pipila ka semana tungod sa naangkon niini nga injury.

Sumala sa team, nakahiagom og injury sa iyang calf ang beteranong guard sa Magnolia Hotshots.

Gidugang usab nga mahimong molapas sa tulo ka semana una makabalik og duwa si Lee.

Posibleng makaduwa lang siya atol sa playoffs, apan magdepende gihapon kini sa kondisyon sa iyang injury.

Nagtala si Lee og average nga 4.8 puntos, 1.5 rebounds, ug 2.5 assists sa wala pa ang 58 ka adlaw nga break.