Nipadayag og kakurat si Presidente Ferdinand Marcos Jr., sa dihang iyang nadiskobrehan niini nga gitangtang sa miaging administrasyon ang standard procedure nga nagsilbi nga panalipod batok sa korapsyon sa mga proyekto sa imprastraktura sa gobyerno.
Sa usa ka podcast interview, ang Presidente miingon nga ang pagpatuman sa mga proyekto sa nasudnong gobyerno mihunong sa pagsunod sa mga lagda sa milabay nga dekada.
Gisaysay sa Hepe Ehekutibo nga sa iyang pagserbisyo isip gobernador sa Ilocos Norte, ang mga lokal nga opisyal adunay importanteng papel sa pagtimbang-timbang sa kalidad sa mga proyekto nga gipatuman sa nasudnong kagamhanan.
Matod pa ni Presidente Marcos, dili mabayran ang kontraktor kon dili mopirma ang lokal nga kagamhanan sa acceptance document, busa mapugos ang kontraktor sa pag-ayo sa mga depekto ug paghuman sa proyekto.
Samtang, ang Presidente usab miila sa posibilidad nga ang modernong teknolohiya makatabang sa pagpausbaw sa transparency sa datos sa nasudnong budget ug mga proyekto sa gobyerno.
