‘No comment’ ang Palasyo sa Malacañang, partikular na nga si Presidente Ferdinand Marcos Jr., kalabot sa panagtagbo nila ni US President Donald Trump ug Ukraine President Volodomyr Zelensky, nga nakapakurat sa tibuok kalibotan ug nisangpot sa init nga panag-estorya.
Matod ni Palace Press Officer USec. Claire Castro nga walay reaksyon niini si Presidente Marcos.
Dugang pa ni Castro nga gitugyan na sa Malacañang ngadto kang Department of Foreign Affairs (DFA) Secretary Enrique Manalo ang paghatag og pamahayag bahin sa panagtagbo nila ni Trump ug Zelensky.
Kung kahinumduman nga ang resulta sa panag-istoryahanay tali ni Trump ug Zelensky dili maayo.
Diin gisultihan ni Trump si Zelensky nga makigsabot sa Russia aron tapuson ang gubat.
Nagdumili usab ang Malacañang sa pagkomento sa posibilidad nga mabag-o ang posisyon sa Amerika sa isyu sa West Philippine Sea nunot sa kausaban niini sa posisyon sa gubat sa Russia-Ukraine.
