CEBU CITY-Gidakop sa mga kapulisan sa dakbyaan sa Sugbo ang gitumbok nga Person-of-Interest sa kamatayon ni Charina Relativo nga si Darren Alderson Cui niadtong Agusto 2, 2024 sa Sitio Laguna Barangay Bulacao, ning dakbayan sa Sugbo.
Gidakop ang maong indibidwal dili tungod sa kalambigitan niini sa kamatayon sa 27-anyos nga saleslady kundi sa illegal nga paghupot og armas.
Nasuta sa report sa Inayawan Police Station 7, nga nakadawat sila og report nga adunay usa ka lalaki nga gi-alarma tungod sa pagdala og armas pasado alas 4:30 sa hapon niadtong Sabado Agosto 3 sa dalan Urgello Barangay Sambag 1 ning dakbayan sa Sugbo.
Sa paglusad sa kapulisan, nailhan ang lalaki gumikan sa pag-viral niini nga pagkalambigit sa pagpatay sa maong saleslady sa Barangay Bulacao.
Ang kapulisan sa Abellana Police Station 2, daling miresponde ug gidakop si Darren.
Nasakmitan niini ang usa ka uniy sa kalibre .45 nga pistola ug upat ka buhi nga bala.
Kahinumduman nga napalgan nga patay si Charina Relativo sa gi-abangan nga boardinghouse niini nga hubo na ug gisunog ang buhok niini.
Kung diin sa inisyal nga imbestigasyon sa mga kapulisan kay si Darren, maoy usa sa mga person of interest gumikan sa proximity sa gi-abangan nga boardinghouse.
Anaa na karon sa kustodiya sa Inayawan Police Station 7 si Darren aron atubangon ang kasong kalapasan sa Republic Act 10591 o “Comprehensive Firearms and Ammunition Regulation Act”.
Kuhaan usab kini ug ubang detalye na may kalabutan na sa pagkamatay o kon ugaling man aduna siyay gikalambigitan sa brutal nga kamatayon ni Charina Relativo.
