Nagpadala ang Philippine Embassy sa Myanmar og team aron motabang sa pagpangita sa 4 ka mga Pinoy nga gikatahong missing sa siyudad sa Mandalay, nga duol sa epicenter sa magnitude 7.7 nga linog.
Matod ni Angelito Nayan, chargè d’affaires sa Philippine Embassy sa Myanmar, paingon na ang nasangpit nga team nga gilangkuban sa 5 ka miyembro lakip ang vice consul ug defense attaché.
Ang grupo nagbiyahe pinaagi sa yuta ug ang ilang biyahe gipaabot nga molungtad og 15 ka oras, usa kini makaabot sa maong lugar.
Magdala usab ang grupo og mga supply nga ihatag sa mga Pinoy nga naapektuhan sa linog sa Mandalay.
Gihatagan og gibug-aton sa opisyal sa PH Embassy ang importansya sa pagpahigayon sa ground assessments ug pagsusi sa kaayohan sa Filipino community sa mga apektado sa linog.
Matod ni Nayan, adunay kapin sa 170 ka mga magtutudlo sa Filipino sa Mandalay ug posibleng wala na makauli sa ilang mga panimalay dihang miigo ang linog.
Samtang, gipaambit usab niini nga ilang nahibaw-an nga ang 4 ka mga Pinoy nga nawala pinaagi sa mga area coordinator nga susamang mga magtutudlo nga nagbase sa Mandalay.
Sa pagkakaron, 123 sa 171 ka rehistradong Filipino sa Mandalay ang kompirmadong luwas, 32 ang padayon pa nga gi-verify, 12 ang kasamtangang gawas sa Myanmar samtang 4 ang unaccounted.
