Gikatahong motambong si Philippine Ambassador to the United States (US) Jose Manuel Romualdez sa inagurasyon ni US President Donald Trump sa Enero 20, sa ngalan ni Presidente Ferdinand Marcos Jr.
Sa usa ka pahayag, si Presidential Communications Office Secretary Cesar Chavez miingon nga giimbitar sa US ang hepe sa mga diplomatikong misyon nga magrepresentar sa ilang tagsatagsa ka nasud sa inagurasyon ni Trump.
Mao kini ang gipaambit ni Chavez aron pamatud-an nga ang Secretary sa Estado, kay nag-imbitar alang sa Joint Committee on Inaugural Ceremonies, sa mga Chiefs of Diplomatic Missions, uban sa ilang mga kapikas, nga magrepresentar sa ilang tagsa-tagsa ka mga pangulo sa estado ug sa ilang mga gobyerno sa mga pangunang inaugural nga mga panghitabo.
Nagserbisyo si Trump, isip presidente sa US gikan sa 2017-2021, ug nakakuha og bag-ong mandato gikan sa mga Americans sa 2024 nga eleksyon pagkahuman gipildi ang outgoing bise presidente sa US nga si Kamala Harris.
Giingon usab ni Chavez nga wala pa’y kumpirmasyon kung mobisita ba si Marcos sa US aron makigkita kang Trump sa sayong bahin ning buwan sa 2025.
Apan, kungmahinumduman nga mipaabot sa iyang pahalipay si PBBM ngadto kang Trump pinaagi sa tawag sa telepono.
