METRO MANILA-Gitumong karon sa Pilipinas nga moperma og Reciprocal Access Agreement (RAA) kauban ang Canada, France ug New Zealand.
Mao kini ang gipahayag ni Department of National Defense (DND) Secretary Gilberto C. Teodoro Jr., diin ang nahisgutang mga kasbutan sa tulo ka nasud ang mosentro sa interoperability tali sa mga military force.
Sama sa unang RAA sa nasud kauban ang Japan nga gipermahan niadtong Hulyo 8, nga nagtumong nga wagtangon ang restrictions sa military-to-military exchange tali sa Armed Forces of the Philippines ug Japan Self Defense Force.
Naglaum usab kini nga masugdan na ang panaghinabi sa posibleng RAA sa tulo ka nasud sa sunod nga tuig.
Bisan paman sa pagbaton lamang og 267 ka mga empleyado, gikanayon sa DND Chief nga ang negosasyon ug pag-finalize sa RAA sa Japan ang makonsedera nga dakong kalampusan.
