Pilipinas, nakalingkawas na sa ‘grey list’ sa FATF human sa pagpasira sa mga POGO

Hingpit na nga nakagawas ang Pilipinas sa ‘grey list’ sa Financial Action Task Force (FATF) human sa tulo ka tuig.

Matod sa task force nga nakabasi sa Paris, ang Pilipinas mihimo og mga lakang aron hingpit nga masumpo ang pagsulod sa “dirty money” ug “terrorism financing.”

Giila usab sa FATF ang hingpit nga pagwagtang sa gobyerno sa Philippine Offshore Gaming Operators (POGOs).

Dugang pa nila nga tungod sa kaaktibo sa Pilipinas sa pagpakigbatok sa mga POGO ug pagpasira sa mga casino junkets, hingpit na nga nahanaw ang Pilipinas sa listahan.