Gibutyag ni kanhi House Speaker Martin Romualdez sa iyang supplemental counter affidavit nga ang pipila sa 25 ka kanhing security aides ni kanhi Ako Bicol Party-list Representative Elizaldy Co, nakombinsir ni Atty. Levito Baligod nga moapil sa 18 ka bodyguard.
Kini gibasi sa mga affidavit sa pagdumili ug dili paglakip nga gisang-at sa 25 ka security aides, diin ilang giingon nga nakombinsir sila ni Baligod nga moapil sa 18 ka bodyguard, nga sa sinugdanan giila nga 18 ka kanhing Marines, baylo sa kwarta bisan pa sa ilang kakulang sa personal nga kahibalo sa mga butang nga gibutyag.
Si Baligod, ang abogado nga nagrepresentar sa kanhing 18 ka bodyguard, nga gipakunhod ngadto sa 14 human gibawi ang ilang nangaging mga pahayag.
Gipahayag usab sa mga affidavit nga walay mga delivery nga gihimo sa tanang 25 ka security aides sa tibuok nilang trabaho hangtod sa 2025 ug 2026 sukwahi sa mga pasangil sa 18 ka security aides batok kang Romualdez.
Gikanayon usab ni Romualdez nga sa affidavit, usa sa 25 ka kanhing security aides nga ginganlan og Arnilo Ramirez, nga si Baligod nagplano nga maghimo og ikaduhang batch sa mga saksi human sa 18 ka bodyguard, diin si Ramirez gidala uban sa uban pa sa usa ka hotel tali sa buwan Marso ug Abril 2026 aron mopirma sa usa ka giandam nga affidavit.
Gikutlo usab niini ang duha ka nagkasumpaki nga mga pahayag. Una, si Christopher T. Esquivel, Gil N. Navidad Jr., ug Rodante P. Orbillo miingon nga adunay mga partikular nga tawo nga miuban o mitabang kanila sa paghatud sa mga maleta. Ikaduha, ang mga tawo nga ilang gihisgutan kusganong mihimakak nga sila nalambigit niini nga kalihokan, ug nanumpa nga mosulti sa tinuod.
Mahinumduman nga niadtong Huwebes, si Romualdez nagsumite og supplemental counter affidavit sa Office of the Ombudsman.
