Giklaro sa Philippine National Police (PNP) nga si PNP Chief PGen. Nicolas Torre III nga wala niya gitugutan ang bisan unsang fitness instructor nga mangulo sa bisan unsang physical fitness program alang sa tibuok organisasyon.
Kini human giimbitar sa Public Community Affairs and Development Group (PCADG) ang fitness vlogger nga si Rendon Labrador alang sa 93 weight loss challenge sa nasangpit nga unit.
Sa memo nga giluwatan ni PNP Directorate for Police Community Relations Director PMGen. Roderick Augustus Alba, ang nasangpit nga physical activity niadtong Huwebes, Hunyo 19 usa ka inisyatiba sa PCADG ug ang mga sakop lang sa unit ang naapil niini.
Basi sa memorandum, gimandoan ang mga pulis nga hunongon na ang pagpaambit sa mga sayop nga unod tungod kay walay mando gikan sa hepe nga mokuha og fitness instructor nga maoy mangulo sa bisan unsang physical activities o training.
Matod niya kini aron malikayan ang pagkuyanap sa mga bakak nga impormasyon nga mahimong hinungdan sa kalibog sa publiko.
Samtang, si PNP Spokesperson PBGen. Si Jean Fajardo kaniadto walay personal nga kahibalo kalabot sa pagka fitness coach ni Labrador sa PNP.
