Gipadayag ni Pope Leo XIV atol sa ma-dominggo nga misa niini sa pag-awhag sa mga lideres ug sa mga Katoliko nga dili kalimtan ang mga kahimtang sa mga kabus atol sa pagsaulog sa Simbahan sa “Jubilee of the Poor.”
Gihimo sa Santo Papa ang pamahayag subay sa tema sa iyang pagdumala sa Simbahan sa “social justice” ssa karong unom-ka buwan na kini nangulo sa Vatican human sa pagtaliwan ni anhing Pope Francis.
Atol sa maong misa sa St Peter’s Basilica nga gikasubo niini ang mga samad sa karaaan ug bag-ong porma sa kapobrehon apan nanghinaot sa paglaum nga mahimong sangputanan sa mga kabus isip lugar sa pagsagop ug hustisya.
Ang nakalabayng Dominggo kay nagtimaan sa special Jubilee of the Poor nga usa sa nga giselebrar karong tuiga nga nagdani og mga pilgrims gikan sa nagkadaiyang dapit sa kalibutan nga natakna sa World Day of the Poor nga tinuig nga gihinumdom sukad niadtong 2017.
Human sa misa, si Pope Leo mitambong og paniudto sa Vatican uban sa mga hugpong sa mga walay pinuy-anan nga mga kabus, refugeesm ug mga bakol samtang laing mga kalihokan sa pagtabang sa mga pobre ang nagpanikad sa Roma.
Giawhag niini ang mga lideres sa mga nagkadaiyang nasud sa kalibutan nga maminaw sa singgit sa mga kabus diin walay hustisya mupatigbabaw kung magpaka-bungol kita sa ilang sugyot.
