Gihatagan og gibug-aton ni Pope Leo XIV nga dili siya usa ka politiko ug walay tuyo nga makiglantugi kang bisan kinsa, lakip na ang administrasyong Trump.
Gihimo sa Santo Papa ang mga pahayag samtang nakigsulti sa mga tigbalita sakay sa eroplano paingon sa Algeria niadtong Lunes.
Sumala ni Pope Leo, nga sa iyang hunahuna ang mga tawo nga mobasa makahimo sa ilang kaugalingong mga konklusyon apan, kanunay niya nga pangitaon ang kalinaw ug tapuson ang mga gubat.
Dugang pa nga ang iyang misyon mao ang pagmantala sa Ebanghelyo ug dili pag-apil sa politika.
Ingon man nga ang mensahe sa Ebanghelyo dili angay abusuhon ug magpadayon siya sa pagsulti batok sa gubat aron mapalambo ang kalinaw ug multilateral nga diyalogo tali sa mga estado.
Kini nga pahayag giisip nga usa ka pagkumpirmar sa pasalig sa Simbahang Katoliko nga magpabilin nga matinud-anon sa kalinaw ug hustisya, imbes nga moapil sa mga panagbangi sa politika.
