Gipahayag ni President Ferdinand Marcos Jr. ang iyang kaandam nga ipublikar ang iyang Statement of Assets, Liabilities and Networth (SALN) uban ang “proper authority” ug subay sa proseso nga gilatid sa Office of the Ombudsman.
Sumala ni Palace Press Officer Claire Castro, gusto niyang klaruhon ang pahayag ni Executive Secretary Lucas Bersamin nga walay makakita sa mga SALN sa mga opisyal sa gabinete ug bisan sa presidente mismo.
Bisan pa, sumala ni Castro, si Presidente Marcos mismo ang miingon nga iyang tugotan nga ipublikar ang SALN uban ang hustong awtoridad ug subay sa mando sa Ombudsman.
Dugang pa niini, nga siguradong sundon sa Presidente ang mga giya nga gihatag sa Ombudsman bahin sa pagpagawas sa SALN.
Kahinumduman nga si Pres. Marcos unang miingon nga andam na siyang ipublikar ang iyang SALN ug nga iyang dasigon bisan ang iyang mga miyembro sa gabinete nga buhaton kini.
