CENTRAL VISAYAS-Gi-welcome sa Police Regional Office 7 ang 300 ka bag-ong gitudlo nga police recruits sa usa ka seremonyas niadtong Lunes, Nobyembre 13 alang sa CY 2023 Attrition Recruitment Program, sa Regional Training Center, sa Sitio Laray, Brgy. Jugan, Consolacion, Cebu.
Ang mga rekrut nga gilangkuban sa 241 ka lalaki ug 59 ka babaye gihatagan og ranggo nga Patrolman ug Patrolwoman sa temporaryong kahimtang sulod sa usa ka tuig. Ipailawom sila sa Public Safety Basic Recruit Course (PSBRC) sulod sa unom ka buwan ug laing unom ka buwan nga Field Traoning Program (FTP) una sila mahimong kuwalipikado isip permanenteng Patrolmen/Patrolwomen.
Nasayran nga ang mga police recruit maoy mopuno sa mga bakante nga PRO7 resulta sa kamatayon, pagkatangtang sa trabaho, pagretiro, pagbalhin o pag-assign sa PNP personnel sa ubang mga lugar.
