Nagmalampusong nahuman sa Probinsya sa Sugbo ang pag pang-repacked sa tanang mga relief goods, diin mapasalmaton kini sa tanan nga nagpaluyo sa maong kalampusan.
Atol sa pakighinabi sa Bombo Radyo Cebu team kang Ainjeliz dela Torre-Orong ang Provincial Information Officer sa Probinsya sa Sugbo, gikabutyag niini nga adunay gibana-banang 6,000 ka mga volunteers ang nisalmot sa pagpang repacked sa mga relief goods alang sa mga biktima sa linog sa Nothern Cebu.
Busa, mapasalamaton kini sa tanan nga nigogol sa ilahang tagsa tagsa ka mga paningkamot hangtud kagahapong adlawa, diin na apod-apod na usab kini sa nagkalain-laing LGU’s ug ugaling adunay magpapuno, abli ra usab ang linya niini nga mopuno.
Giklaro usab ni Orong nga sa kasamtangan, wala na sila nagdawat og mga volunteers.
Apan, dugang ni Orong nga kung aduna pay buot nga mohatag og mga hinabang, nihangyo kini nga ipa-drop lang sa Ateneo donation drive sa may Gorordo dapit ning Dakbayan sa Sugbo.
