Gitaho sa Philippine Coconut Authority (PCA) nga ang produksiyon sa lubi sa nasud mikunhod og 20% karong tuiga, tungod sa grabeng huwaw gikan sa El Niño sa sayong bahin sa 2023 ug sunod-sunod nga mga bagyo sa ulahing bahin sa tuig.
Matud ni Luz Brenda Balibrea sa PCA, nga naapektuhan ang produksyon sa coconut oil, nga mius-os og 15%.
Bisan kung adunay pagkunhod, ang Pilipinas nagpabilin nga ikaduha nga pinakadako nga prodyuser sa lubi sa kalibutan.
Dugang pa ni Balibrea nga dili lang ang Pilipinas ang nakasinati og kakuwang tungod kay apektado usab ang tibuok kalibutan nga supply sa vegetable oil.
Agi’g tubag, gipasiugda sa PCA ang kaylap nga pagpananom ug pagtanom og mga punoan sa lubi ug target sa administrasyon ni Presidente Ferdinand Marcos Jr. nga makatanom og 100 milyones ka punoan sa lubi, diin 8.5 milyones niini ang natanom sa miaging tuig ug ang target 25 milyones pa sa 2025.
