Gikuwestiyon ni Davao City 1st District Representative Paolo “Pulong” Duterte ang posibilidad nga 10 ka boto lang ang gikinahanglan aron balihon ang naunang desisyon nga nagtakda og 16 ka boto nga gikinahanglan alang sa pagkondenar kang Bise Presidente Sara Duterte sa impeachment trial.
Ang isyu bahin sa gidaghanon sa boto nga gikinahanglan nahimong sentro sa diskusyon human gikuwestiyon sa Senado kung angay bang ipabilin ang gikinahanglan nga 16-vote tungod sa wala ang presensya sa pipila ka mga senator-judges atol sa mga proseso sa impeachment.
Samtang, giinsister ni Pulong Duterte nga dili mahimong gamiton ang mas gamay nga gidaghanon sa boto aron lang molaktaw o molapas sa usa ka rekisitos sa konstitusyon.
Dugang niya, bisan pa og igo na ang napulo ka boto alang sa usa ka pangutana bahin sa pamaagi—kung kini gimando sa mga lagda sa Senado—wala kini nagpasabot nga ang rekisitos mismo sa konstitusyon mahimong usbon pinaagi sa maong lakang.
Ten votes to reverse the 16-vote rule? Are you sure about this? Ten votes to change the constitution? Di puwede.” matud ni Rep. Pulong Duterte.
Padayon nga naghisgot ang impeachment court sa Senado bahin sa isyu sa gidaghanon sa boto nga gikinahanglan alang sa kaso sa impeachment sa Bise Presidente.
