TALISAY-Gipamusil sa usa ka Retired Seaman ang kaugalingog pamilya niini samtang nangaon sa panimalay sa Sitio San Miguel, Barangay Linao sa dakbayan sa Talisay niadtong Disyembre 15, 2024.
Matod pa sa serye sa panghitabo nga nakahigayon pa og ilog ang mga biktima sa armas sa ilang amahan hangtod nga kini gi-ataki nga maoy gitumbok nga rason sa iyang kamatayon.
Ang amahan ka usa ka 67-anyos nga Person with Disabilty (PWD) kay putol ang tuo nga tiil niini gumikan sa sakit nga diabetes.
Samtang ang mga biktima kay ang asawa niini nga 60-anyos ug ang mga anak niini nga 33-anyos nga lalaki ug 20 anyos nga babaye.
Nakaangkon og samdan sa iyang abaga ang inahan samtang samad sa tiyan ang naangkon sa anak nga babaye ug samad sa nawng ang sa anak nga lalaki.
Sa inisyal nga imbestigasyon sa kapulisan sa dakbayan sa Talisay nga nasuta nga nangaon sa pamahaw ang mga biktima dayon migawas sa kwarto ang ilang amahan nga armado na or revolver nga pistolan og didto nanghasi sa pagpamusil.
Gisuwayan pa og tabang ang ilang amahan apan nakabsan na kini sa kinabuhi.
Ingon man gidala usab sa tambalanan ang mga biktima aron sa pagpa-ayo sa ilang mga samad nga naangkon.
Duda sa mga kapulisan nga lalis sa propiedad ang motibo sa nahitabong krimen.
