Usa ka dakong kalambosan sa teknolohiya ang natala sa China human malampuson nga nabuhat sa usa ka robot ang delikadong pag-ayo sa linya sa kuryente.
Sa pinaka-unang higayon, usa ka robot electrician ang mihimo og live repair sa 10 kV powerline sa Qingshan County.
Ang nasangpit nga robot, nga gimugna sa pagtinabangay sa Hubei Electric Power Research Institute ug Wuhan State Grid, migamit og laser cutting technology aron maayo ang insulation wire, ikabit ang mga kable, ug pahugtan ang mga koneksyon nga wala man lay bisan unsang sayup sama sa tawo.
Sumala ni Wu Xin, usa ka technician sa Wuhan State Grid, ang robot mamahimong mag-navigate bisan sa mga komplikadong wiring environments.
Labaw sa tanan gitangtang niini ang kadelikado nga makuryentihan alang sa mga tawo nga electricians.
Tungod kay kasagaran, kinahanglang adtoon sa mga tawo ang delikado nga live wires aron dili makabaton og power outage sa lugar samtang nag-ayo.
Ingon man sa tabang sa bag-ong teknolohiya, nalikayan nga dunay mamatay nga tawo tungod sa maong sitwasyon.
