CEBU CITY-Naglusad ang buhatan sa Cebu City Police Office (CCPO) sa programang “Ronda Cebu Juana” diin magtuyan kini sa mga babayeng sakop sa kapulisan nga mangulo sa pagpatuman sa balaod sa dakbayan sa Sugbo nunot sa kasaulogan sa National Women’s Month karong buwan sa Marso.
Kini ang gipamahayag ni Police Col. Enrico Figueroa atol sa pakighinabi niini sa mga sakop sa tigbalita kagahapong adlawa sa Lunes, Marso 10, 2025.
Ang maong programa kay nagtumong sa paghatag og kahigayonan sa mga Women in Uniform sa CCPO nga mas mapahait pa ilang kahanas sa pagpatuman sa balaod pinaagi sa paghatag sa ilaha og higayon nga maoy mangulo sa operasyon sa kapulisan.
Naghupot ang maong programa sa temang Babae sa Lahat ng Sektor, Aangat ang Bukas sa Bagong Pilipinas.”
Kabahin kini sa women empowerment initiative sa CCPO isip pag-formalize sa programang karong buwan sa paghatag og pasidungog sa mga kababaynhan.
Gani gipanglantawan sa pamunuan sa CCPO nga kung mahimong malampuson ang maong inisyatiba kay pwede kining himuon kabahin na sa ilang regular operations sa malambuon madalit niini sa komunidad sa dakbayan sa Sugbo.
Pipila sa mga operasyon sa Ronda Juana mao ang barangay community engagements ug sa nagpadayong police checkpoints sa pakig-alayon na usab sa mga force multipliers.
