Magpahigayon og pipila ka mga public hearings ang Regional Tripartite Wages and Productivity Board – Central Visayas (RTWPB-7) sa rehiyon aron hisgutan ang minimum wage adjustments sa mga trabahante sa pribadong sektor ug mga domestic workers karong buwan sa Agosto 2025.
Ang public hearings kay nagtinguha sa madapit ang mga habig sa mga stakeholders lakip na ang mga trabahante sa pagdeterminar sa patas nga suhulan nga nga subay sa kasamtangang ekonomikanhong kondisyon.
Ang schedule sa mga public hearings kay mao ang musunod:
August 19, 1:00 PM – DepEd Ecotech Center, Pavilion Hall, Sudlon, Lahug, Cebu City
August 28, 8:00 AM – Bethel Guest House, Joshua 1, Rizal Boulevard, Dumaguete City, Negros Oriental
August 29, 8:00 AM – The MetroCentre Hotel and Convention Center, Ruby Hall, C.P.G. Avenue, Tagbilaran City, Bohol
August 31, 1:00 PM – Anjo World Convention Center, Continental Hall, Upper Calajoan, Minglanilla, Cebu (para sa mga domestic workers o katabang)
Giawhag sa RTWPB-7 ang mga interesadong mga indibidwal ug grupo nga mupartisipar aron madungog ang mga sugyot nga maoy muhulma sa mga bag-ong polisiya nga magbalanse sa mga panginahanglan sa mga mamumuo ug sustainability sa mga negosyo.
