Nakit-an na gayud ni Ryan Bang ang iyang ‘the one’!
Mao kini ang iyang gipaambit sa publiko sa dihang ni-proposed kini sa iyang non-showbiz girlfriend nga si Paola Huyong.
Matud pa nga sigurado na si Bang nga pakaslan ang iyang uyab human nabati niini ang mainiton ug pagdawat sa iyaha diin dili lang sa kang Paola apil na ang ginikanan sa babaye.
Hinungdan nga dungan sa adlaw nga natawhan sa igsoon ni Paola ug bisan pa sa kusog nga pitik sa kasingkasing sa actor/host kay wala kini nahimong babag sa iyaha arun mag-propose sa iyang uyab.
Giangkon usab ni Ryan nga grabe ang kakulba nga iyang nabati sa dihang mi-propose siya kang Paola apan mas grabe pa kuno ang iyang nasinati sa dihang nakig-atubang kini sa mga ginikanan aron mamalayi.
Subay niini, gipaambit nila ang ilang plano sa umaabot nga kasal diin gusto sa actor nga buhaton ang main wedding diri sa Pilipinas samtang small wedding ang ilang ipahigayon sa ngadto sa nasud sa Korea.
