Nakasulod na sa Round of 16 sa nagpadayon nga Cincinnati Open si Aryna Sabalenka human niya gipildi si Wang Xinyu.
Nikabat lang og 20 minutos ang World No. 1 aron tapuson ang unang set, 6-1, uban sa tabang sa iyang dominanteng pagdula.
Bisan og dugay ang ikaduhang set, midominar gihapon ang tennis champion ug sa katapusan natapos kini sa iskor nga 6-3—paingon sa ika-upat nga round sa WTA 1000 Cincinnati Open.
Ang ika-36 nga ranggo nga tennis star nga si Wang halos wala makaapas sa katulin ug kaliksi ni Sabalenka.
Kini nga bag-ong kadaugan mao ang ika-45 nga kadaugan sa World No. 1 sa lebel sa Masters 1000.
Sunod nga atubangon ni Sabalenka ang Czech star nga si Sara Bejlek sa ika-4 nga round, kinsa nakaabante human niya gipildi si Ekaterina Alexandrova sa opensiba nga 4-6, 6-1, 6-2.
