TAYTAY, RIZAL-Human sa 22 ka higayon nga gidunggab ang 10-anyos nga batang lalaki, milagrong nakaikyas kini sa kamatayon apan, nakaangkon kini og grabeng samad ug bali sa bukton.
Nakuhaan sa CCTV footage ang krimen diin makita nga ang 18-anyos nga suspek susamang dili nahimutang samtang naghuwat daplin sa dalan nga adunay bitbit nga kutsilyo ug pag-agi sa batang lalaki dali kining gidunggab sa Taytay, Rizal.
Sa imbestigasyon sa kapulisan, ang suspek niingon nga nagselos siya sa biktima tungod kay kompleto ang pamilya niini, samtang kini gipasagdan sa iyang pamilya.
Sa pagkakaron gitanggong ang suspek sa Taytay PNP ug nag-atubang og kasong frustrated murder samtang ang biktima anaa sa Rizal Provincial Hospital System (RPHS) Taytay nga nagpaalim.
