Giakusahan ni Senador Imee Marcos ang Malacañang Staff human niya giingon nga si Presidente Ferdinand Marcos Jr. posibleng nasakit tungod sa kakulang sa hustong pag-atiman gikan sa mga tawo sulod sa Palasyo.
Sa usa ka video sa Facebook, gipaambit ni Imee ang iyang mga hunahuna, diin iyang gipangutana kung kinsa sa mga tawo sa palibot sa Presidente ang tinuod nga nagpakabana kaniya.
“Wala kasing nag-aalaga sa kaniya. Sino ba diyan sa nakapaligid sa Palasyo, sa dinami-dami ninyo, ang talagang nagmamahal sa kapatid ko?” matod Imee.
Dugang pa sa Senadora nga ang panglawas sa Presidente posibleng nagkagrabe tungod sa kakulang sa hustong atensyon.
Gihimo sa Senador ang pamahayag human gipahibalo sa Malacañang Press Officer nga si Claire Castro nga ang Presidente gibutang ubos sa medikal nga obserbasyon niadtong Huwebes, human gibati og kahasol.
Sa iyang video, giawhag ni Imee ang iyang igsoon nga babaye nga unahon ang iyang panglawas ug likayan ang mga tawo sa iyang palibot, bisan wala niya sila nganli.
Gisaway usab ni Imee ang mga indibidwal nga iyang gitawag nga “feeling presidente.”
