Gihagit ni Senador Raffy Tulfo ang Kalihim sa Department of Health (DOH) nga si Ted Herbosa sa pagtuman sa iyang saad nga tangtangon ang Food and Drugs Administration (FDA) Director-General Paolo Teston.
Kini nahitabo human gikumpirma sa Senador sa iyang privilege speech sa Senado nga iyang natangtang sulod lang sa pito ka adlaw ang mga produkto nga gi-flag sa FDA sa ilang Public Health Warning Advisories nga delikado sa panglawas, apan gibaligya gihapon sa mga online selling platform.
Mahinumduman nga kaniadto gikritika sa Senador ang FDA tungod sa padayon nga pagbaligya sa mga delikado ug wala marehistro nga mga produkto sa panglawas online atol sa DOH budget hearing niadtong Oktubre 1.
Dinhi, gikuwestiyon sa Senador kung nganong nag-isyu ang ahensya og mga health advisory kung wala silay gibuhat aron mapatuman kini.
Gihagit usab sa Senador ang hepe sa FDA nga mokanaog kung dili niya masulbad ang problema.
Atol sa plenary budget debates niadtong Nobyembre 26, gihulga ni Sen. Herbosa nga siya mismo ang motangtang sa hepe sa FDA kung dili tangtangon kini nga mga produkto, ug miuyon si Herbosa.
Hangtod karon, wala pa motubag si Sec. Herbosa bahin sa posibleng pagtangtang sa hepe sa FDA.
