Senador Robin Padilla, gihimakak nga adunay gi-andam nga resolusyon alang sa pagbasura sa kasong impeachment ni VP Sara

Giklaro ni Senador Robin Padilla nga wala pa siya makaduso sa resolusyon nga nagtinguha sa pagbasura sa kasong impeachment batok kang Bise Presidente Sara Duterte.

Kini sukwahi sa unang pamahayag ni Senador Imee Marcos nga adunay giandam ug gipaabot pa ang ubang kaalyado sa pagkasenador.

Matod ni Padilla nga nagpaabot siya sa mga kaubang senador sama nila ni Senador Bato Dela Rosa sa dili pa pormal nga ipasaka ang maong lakang, apan gitataw niini nga lahi ang unod sa maong resolusyon.

Ingon man nga wala usab niini gi-konsulta si Sara Duterte sa pag-umol sa maong resolusyon.

Sa pagkakaron, nagdumili ang senador sa pagdetalye sa unod sa iyang giandam nga resolusyon.