Gipreparasyonan na sa Kagamhanang Dakbayan sa Sugbo ang pagatukuron nga Sinulog Devotee City niini para sa 2026 edition nga kapistahan sa Queen City of the South.
Ang City Government nagpahigayon og coordination meeting sa mga representantes sa mga nagkadaiyang departamento sa City Hall sa pagsigurong luwas, han-ay, ug hapsay ang religious gathering para sunod tuig.
Gipangulohan ang maong panagpulong ni Cebu City Councilor Francis Esparies, kinsa maoy Chairman sa Sinulog Devotee City 2026 isip kabahin sa sayong pagpangandam sa dakbayan sa comprehensibong mga kalihukan sa kapistahan sa Sinulog.
Adunay pagbana-bana ang dakbayan sa 900 ngadto sa 1,000 ka mga deboto ang muhangop sa Devotee City gikansa Enero 16 hangtod 18.
Gani ang mga preparatory ug post-activity operations niini kay maggikans a Enero 13 hangtod 20.
Pipila sa mga hingtungdan mga departamento nga lakip sa operasyon sa Devotee City kay ang Cebu City Transportation Office (CCTO), Department of Public Services (DPS), Department of General Services (DGS), Management Information and Computer Services (MICS), Cebu City Disaster Risk Reduction and Management Office (CCDRRMO), ug ang City Health Department (CHD).
Sa habig sa CCDRRMO, misaad na kini sa pagmintar og 24/7 standby operations sa Devotee City sa gikatahong mga petsa inabagan sa pasaad sab sa CHD nga adunay mga doktor, pharmacusts, ug Barangay Health Workers (BHWs) nga ideploy aron sa daling pagresponde sa atensyong medikal.
Ang diskusyon nakatutok sa pasalig sa dakbayan nga luwas, malinawn, og han-ay masaulog sa mga deboto ang kapistahan sa Sr. Sto. Niño pinaagi sa baskog nga inter-agency collaboration ug proactive planning sa City Hall.
