Hingpit na nga nabalik ang stable nga kuryente sa probinsya sa Siquijor human sa mga adlaw nga nagtuyok-tuyok nga brownouts, matod sa Malacañang niadtong Domingo.
Nakompleto sa National Electrification Administration (NEA) ang power restoration niadtong Hunyo 14, usa ka adlaw una sa gitakdang deadline ni Presidente Ferdinand R. Marcos Jr., sumala sa gipagawas nga balita sa Palasyo.
Personal nga nangilabot si Presidente Marcos sa sitwasyon niadtong Hunyo 11 ug gimandoan si NEA Administrator Antonio Mariano Almeda nga molihok sa walay paglangan.
Nakigtambayayong sa Province of Siquijor Electric Cooperative (Prosielco), ang NEA nagpahigayon ug dinaliang pag-ayo sa mga generation set sa Siquijor Island Power Corporation (Sipcor).
Gikoordinar usab niini ang pagdala ug pag-instalar sa generator set gikan sa Palawan Electric Cooperative (Paleco), samtang dugang nga giabangan nga mga genset gikan sa Sipcor dugang nga nakakuha sa suplay.
Kini nga mga paningkamot nagdala sa kinatibuk-ang kasaligang kapasidad sa kuryente sa Siquijor ngadto sa 11 megawatts (MW), milapas sa kinatas-ang panginahanglan niini nga 9 MW ug naghatag ug 1.65 MW nga reserba alang sa mga contingencies.
Gipasalig sa NEA ang padayon nga pagmonitor aron mamintinar ang kasaligang kuryente sa mga residente, negosyo ug eskwelahan sa probinsiya. | via Bombo Irene Ardiente
