PILIPINAS-Gipasalig ni House Speaker Martin Romualdez nga klaro ang direksyon sa 2025 national budget nga P6.352-trilyon aron mapadayon ang pagbayaw ug pagpalig-on sa ekonomiya nga makabenepisyo sa katawhang Pilipino.
Nahimo ang pahayag ni Speaker Romualdez sa pagsugod sa budget deliberation sa Kamara.
Gipahibalo ni Romualdez nga ang national outlay mao’y labing epektibong pamaagi aron maseguro nga ang mga katagilungsod, ilabina ang mga kabus, mobati sa mga benepisyo sa economic-achievements.
Dugang pa ni Romualdez, nga naghatag og prayoridad sa mga programa nga makatabang sa pagpataas sa kinabuhi sa mga anaa sa vulnerable sector.
Gitataw sa Speaker nga klaro usab ang tumong sa pagtuon sa 2025 budget, ang makolektang buhis kinahanglang ibalik sa tanang Pilipino ug masiguro nga ang serbisyo sa gobyerno alang sa tanan.
