Mikabat sa 750,000 ang danyos sa miulbong sunog sa Esmeralda Compound Sitio Tintay, Brgy. Talamban ning Dakbayan sa Sugbo, gahapong adlawa.
Basi sa imbistigasyon sa kabomberohan ang maong sunog naka apekto og 2 ka pamilya samtang miugdaw sa 4 ka panimalay ug 4 usab ang partially burned.
Gani ang maong sunog kay napasaka sa ikaduhang alarma ug hingpit kining gi-deklarar nga fire out alas 3:10 sa hapon.
Atol sa pakighinabi sa Bombo Newsteam sa usa sa biktima sa maong sunog ug gibutyag niini nga ang maong sunog nagsugod sa gamay nga payag kilid sa maong compound ug tungod sa daling pagkaylap sa kay mitakod dayon kini sa mga sa mga panimalay sulod sa compound.
Dugang pa ni Ocampo nga anaa kini sa trabahoan atol sa insidente ug iyang anak ang nakabantay sa mitumaw nga sunog.
Sa pagkakaron, gipalawman pa sa mga sakop sa kabomberohan ang imbistigasyon aron mahibaw-an ang hinungdan sa maong panghitabo.
