MANDAUE CITY-Miugdaw sa anaa sa 80 ka mga panimalay ang sunog nga mitumaw sa Block 15 ug 16, Zone 7 Barangay Mantuyong sa dakbayan sa Mandaue niadtong Lunes, Marso 3, 2025.
Base sa taho gikan sa kabumberohan sa dakbayan sa Mandaue diin unang miabot ang alarma sa sunog sa ilang istasyon pag alas 2:56 sa hapon diin dali dayon kinig girespondehan sa mga awtoridad.
Pagtungtong sa alas alas 3:07 sa hapon kay giisa kini sa ikaduhang alarma ang maong sunog tungod sa kadako na sa area nga nahakop niini.
Milanat og kapin 30 minutos usa na deklarang fire under control ang sunog og pag-abot na sa alas 4:42 sa hapon hingpit nga na fireout ang maong sunog.
Sa inisyal nga imbestigasyon sa kabumberohan kay aduna kini bana-bana sa 80 ka mga balay ang nasunog diin miugdaw sa mga puy-anan sa 500 ka mga indibidwal sa kinatibuk-ang danyos sa P750,000.
Maayo nalang og walay natala nga naangol sa maong insidente sa sunog tungod pud sa pagtinabangay sa mga residente og mga mirespondeng kabumberohan.
Sa pagkakaron kay kasamtangan gipahiluna ang mga biktima sa sunog sa Brgy. Mantuyong Gym diin sila gidalitan dayong og hinabang gikan sa Barangay og kagamhanang dakbayan.
