TOLEDO, CEBU-Nasikop sa kapulisan sa dakbayan sa Toledo ang usa ka lalaki nga gidudahang mipatay sa Grade 12 nga babayeng estudyante nga si Sharmaine Flores, kansang hubo nga lawas napalgan sa kasagbutan Biyernes sa buntag, Agosto 25, 2023.
Una nang giimbitar sa kapulisan ang maong lalaki Biyernes sa hapon isip person of interest (POI) apan gikatahong suspek sa brutal nga pagpatay sa batan-ong estudyante.
Matod sa kapulisan nga ang lalaki nakaangkon og daghang lab-as nga samad sa iyang kalawasan nga ilang gituohan nga tungod sa mga garas.
Sa laing bahin, gibutyag sa SOCO nga sa pag-imbestigar sa lawas sa dalagita, ilang nakit-an ang mga pinaakan sa tawo sa nawong ug liog sa biktima.
Sa pikas bahin, gihangop sa Cebu Police Provincial Office(CPPO) ang paspas nga Kalamboan sa kaso sa paglugos ingon man pagpatay sa 17 anyos nga biktima nga si Sharmaine Flores.
Kini ang gitataw ni PMajor Nolan Tagsip, tigpamaba sa Cebu Police Provincial Office(CPPO) nga daling nailhan ang suspetsado sa maong kremin nga si Jonathan Sugabo, 29-anyos, silingan ra sa biktima og dunay live-in partner.
Sigon pasa opisyal nga tungod sa paspas nga imbestigasyon sa Toledo Police nakakita kini og mga ebedensiya ingon man mga witnesses nga nagtudlo sa suspect.
Kung kahinumdoman nga basi sa pagpaubos sa medical sa suspek, nakalatid nga duna kini mga kinawrasan sa lawas nga senyales nga dunay nahitabong pagnilayugay tali sa biktima.
Sa medical result, nakabutang nga Multiple Superficial Abrasions on Right Forearm, Right Medial Thigh, Right Infra Patellar Area, Left Knee and Right Posterior Supraclavicular Area.
Kasong rape with homicide ang giandam na karon batok sa suspect.
