CEBU CITY– Padayong gi-awhag ni Talisay City Mayor Gerald Anthony ‘Samsam’ Gullas ang mga talisaynon nga musanong sa gipatumang strikto nga safety measures isip pakigbatok sa COVID-19.
Kini human usab nga karong adlawa epektibo na nga gipatuman ang GCQ sa siyudad gikan sa MECQ human usab nga girekomendar kini sa IATF apan natugtan ang dakbayan nga ibalik sa GCQ human mi-apelar ang mayor.
Matud pa ni Gullas nga strikto ang pagptuman sa ‘wearing of face mask’ ug ‘social distancing‘ ug kung wala na matud pa importante nga paliton o tuyo, dili nalang gyud mugawas.
Kini agi usab matud pa og abag sa mga frontliners gumikan kay sa Talisay, duna nay mga frontliners nga nataptan sa COVID-19.
Hinoon, gi-angkon sa mayor nga posibleng mas musaka pa ang ihap sa covid cases sa iyang dakbayan karong nga nabalik na kini sa GCQ apan mas ipatuman matud pa nila karon ang mas agresibo nga contact tracing. | reports from Bombo Eric Amaro
Samtang, mukabat na sa 4,449 ang natalang kaso sa covid-19 sa Cebu City kung diin 2,221 niini ang active cases samtang 2,146 ang nakarecover na.
Sa naasoy nga ihap, 37 ang new confirmed ug 42 ang new recovered samtang usa ang nadugang sa mga namatay kung diin muabot na sa 82 ang natalang death toll sa dakbayan.
