METRO MANILA-Gilugwayan sa Bureau of Internal Revenue ang mga deadline sa pagsumiter, pag-file ug pagbayad sa buhis subay sa pagkuso-kuso sa bag-ohay nga Super Typhoons Carina ug Habagat.
Matod sa ahensya, gilugwayan ngadto sa Hulyo 31 ang deadline sa pagbayad sa buhis sa mga lugar nga grabeng naapektuhan sa bagyo sama sa Revenue District Offices sa Region 3, Region 4A ug NCR.
Naglakip kini sa pagsumiter sa Quarterly List of Sales/Purchases/Imports sa usa ka VAT Registered Taxpayer-Non-Electronic Filing and Payment System (eFPS) Filers alang sa Quarter nga mahuman sa Hunyo 30, 2024.
Ingon man ang submission sa gipanumpaan nga pahayag sa Volume sa Pagbaligya sa Manufacturer o Importer’s Volume of Sales nga Brand of Alcohol Products, Tobacco Products ug Sweetened Beverage Products alang sa Quarter nga mahuman sa Hunyo 30, 2024.
Lakip usab ang e-filing o filing ug e-payment/payment sa Quarterly Value-Added Tax Return alang sa Quarter nga matapos sa Hunyo 30, 2024 ug ang e-filing ug e-payment/payment sa Quarterly Percentage Tax Return sa Quarter nga matapos sa Hunyo 30, 2024.
Matod sa BIR, gilugwayan ang deadline isip pag-ila sa katalagman nga nahiagoman sa mga magbubuhis gumikan sa kakuwang sa transportasyon ug uban pang batakang serbisyo tungod sa kadaot sa bag-o lang nga kalamidad.
