Gisurpresa sa Türkiye ang Team USA atubangan sa cheering crowd didto sa Los Angeles Stadium pinaagi sa usa ka kulbahinam nga 3-2 nga dula. Sayo nga gidominar sa USA ang engkwentro pinaagi sa paspas nga goal ni Auston Trusty sa ika-3 pa lamang ka minuto sa dula.
Apan wala nagpatandog ang Turkish team ug daling mibawos ang batan-ong magdudula nga si Arda Güler sa ika-10 ka minuto aron itabla ang iskor. Gisundan pa kini sa laing goal gikan kang Barış Alper Yılmaz sa ika-31 ka minuto aron agawon ang bentaha sa wala pa ang halftime, 2-1.
Sa pagsugod sa ikaduhang tunga sa dula, gibuhi og usab ni Sebastian Berhalter ang paglaum sa USA sa ika-49 ka minuto alang sa usa ka 2-2 nga equalizer.
Bisan pa man nagpadayon ang pisikal nga engkwentro padulong unta sa usa ka draw, wala mosugot ang Team Turkey ug sa stoppage time (90+8 ka minuto) gilubong sa maong koponan ang usa ka goal aron tapuson ang dula sa iskor nga 3-2.
Luyo niini, una nang nakasulod ang USA sa Round of 32 human niini gidominar ang unang duha ka dula ug nakuha ang labing nindot nga rekord sa Group D, samtang ang Turkey nakatala na og duha ka pildi ug posible nga dili na makapadayon pa sa sunod nga elimination round.
