Nangayo og pasaylo si Thai Prime Minister Paetongtarn Shinawatra alang sa mass killing sa 78 ka Muslim sa gitawag nga Tak Bai massacre niadtong 2004 sa dihang ang iyang amahan nga si Thaksin Shinawatra ang anaa sa gahum.
Matud niini nga ang mga pamilya sa mga biktima kay nabayaran na.
Ug naglaum kini nga mahimong ‘mindful’ ang tanan sa Tak Bai case ug dili na mausab ang susamang panghitabo.
Ang masaker sa Tak Bai nahitabo human gidakop ang unom ka mga defense volunteers sa habagatang lalawigan sa Narathiwat tungod sa pagduda sa pagtugyan sa ilang mga armas nga gi-isyu sa gobyerno ngadto sa mga rebelde.
Diin ang mga pag-aresto nagpahinabog mga demonstrasyon sa masa ug gatusan ang nagpundok sa estasyon sa pulisya sa Tak Bai, nga misangpot sa usa ka sunod-sunod nga pagsumpo sa mga demonstrador.
