MANDAUE CITY, CEBU-Gipahibalo ni Hyll Retuya, ang pangulo sa legal ug admin division sa Traffic Enforcement Agency of Mandaue (TEAM), nga adunay duha ka ordinansa sa dakbayan sa Mandaue nga ipatuman sa dili madugay.
Matud pa, nagpadayon ang pagpalit ug mga speed gun ug noise-controlling devices arun nga makatabang sa pagpatuman sa speed limit ug anti-bora-bora ordinance.
Sigon ni Retuya nga ‘overspeeding’ ang hinungdan sa pipila ka mga aksidente sa trapiko sa dakbayan hinungdan nga hilabihan ka dako ug tabang ang maong speed limit ordinance.
Kini ang lakang nga ilahang gihimo human nga nakadawat sila ug mga reklamo gikan sa pipila ka mga residente kalabot sa mga motorsiklo nga adunay kusog nga muffler.
Nanghinaut sila nga maminusan kini pinaagi sa tabang sa anti-bora-bora ordinance.
