CEBU – Human sa kapin sa usa ka semana nga pagpatuman sa mas ubos nga plitehan sa traysikol nga P10, ang Tricycle-For-Hire Franchising Regulatory Board sa Mandaue City nakahukom nga usbawan ang plitehan og mga P5 ngadto sa P10.
Tugotan lamang ang mga traysikol nga makasakay ug labing taas nga 4 ka mga pasahero gikan sa 100 porsyento nga seating capacity.
Mopatuman og P15 nga pletihan matag usa ang mga traysikol nga adunay labing taas nga 4 ka mga pasahero nga nagbiyahe sa rota 3 nga mo byahe sa Barangay Alang-Alang, Ibabao-Estancia, Umapad, Opao, Looc, Cambaro, ug Centro.
Samtang ang ubang mga rota mopatuman og P15 nga pletihan nga adunay maximum nga 4 ka mga pasahero, P20 matag ulo kung 2 hangtod 3 ka pasahero, ug P25 kung 1 ka pasahero.
Matud pa ni City Councilor Jimmy Lumapas,ang Chairman sa Committee on Transportation, nga tungod kini sa mga hangyo sa mga tricycle driver subay sa kamahal sa presyo sa gasolina.
Dugang pa ni Lumapas nga wa matino ang plitehan sa ubang mga rota tungod gamay ra ang ilang mga pasahero.
Gi-klaru niini nga ang mga traysikol nga magpasakay ug lima ka pasahero o adunay full seating capacity makonsiderar nga overloading,ug hatagan kinig sanction sa Traffic Enforcement Agency sa Mandaue (TEAM).
