-- ADVERTISEMENT --
Gipirmahan na ni US President Donald Trump ang memorandum nga nagkinahanglan sa tanang empleyado sa Department of Homeland Security nga bayran bisan paman taliwa sa partial government shutdown.
Ang lakang nagsunod sa naunang direktiba ni Trump alang sa DHS nga bayran ang tanang empleyado sa Transportation Security Administration aron pun-on ang mga kakulangan sa mga airport.
Nasayran nga ang mando ni Trump sa DHS nag-ingon usab nga kinahanglan adunay koordinasyon sa Office of Management and Budget aron magamit ang pondo.
Mahinumduman nga niadtong Huwebes, giaprobahan sa Senado ang usa ka balaodnon aron partially nga ablihan pag-usab ang departamento isip usa ka lakang padulong sa pagtapos sa government shutdown.
