Gitawag ni kanhi US President Donald Trump nga “dili patas” ang hukom nga sad-an siya sa mga kaso nga iyang giatubang.
Gidugang niini nga wala sila tugoti nga mogamit sa mga eksperto sa eleksyon ug bisan ang ilang mga saksi giinitan ni Judge Juan Merchan.
Gisaway usab niini si Judge Merchan kinsa niingon nga nagpakaaron-ingnon siya nga anghel sa gawas apan ang tinuod giingong demonyo siya.
Gitawag pa niya nga “conflicted” ang huwes tungod sa pagbutang og gag order kaniya aron dili na siya makasulti bahin sa mga kaso nga iyang giatubang.
Kahinumduman nga ang kanhi presidente napamatud-ang sad-an sa 34 ka felony counts tungod sa pagpalsipikar sa ilang business records.
Ang nasangpit nga kaso nitumaw tungod kay iyang gibayran og $130,000 ang usa ka adult star nga si Stormy Daniels aron magpakahilom sa ilang relasyon.
