Pormal ng nadawat sa Senate impeachment court ang tubag ad cautelam o tubag ni Bise Presidente Sara Duterte kalabot sa writ of summons nga giisyu kaniya.
Ang dokumento gipadala ni messenger Arnel Barrientos Jr. sa Fortun, Narvasa, & Salazar, ang law firm nga magrepresentar ni VP Sara sa pagdungog.
Diin unom ka baga nga kopya ang gipadala sa clerk of court o sa opisina ni Senate Secretary Renato Bantug Jr., nga ang kopya sa tubag ni VP Sara sa writ of summons kay adunay 35 ka pahina ang gitas-on.
Sa tubag ad cautelam, giingong void ab initio o void ang kaso sukad pa sa sinugdanan diin gusto sa kampo ni Duterte nga ma-dismiss ang kaso.
Una, gihatagan si Duterte og non-extendible nga panahon nga napulo (10) ka adlaw sa pagsumiter sa iyang tubag gikan sa pagkadawat sa writ of summons ug kopya sa reklamo, subay sa Article 7 sa impeachment rules.
Hatagan usab og kopya si Senate President Francis “Chiz” Escudero, Impeachment Court Spokesperson Atty. Reginald Tongol ug motuyok kini sa tanang senador.
